رپورٹ کے مطابق قلات میں درجہ حرارت منفی 7، کوئٹہ میں منفی 6 ڈگری ریکارڈ کیا گیا جبکہ خیبرپختونخوا کے مالم جبہ، چترال اور دیر کے علاوہ مری، راولاکوٹ اور گلگت بلتستان کے کئی اضلاع میں بھی پارا نقطۂ انجماد سے نیچے گرگیا۔

محکمہ موسمیات کے مطابق اسلام آباد اور پشاور میں کم سے کم درجہ حرارت منفی ایک، لاہور میں چار اور کراچی میں 12 ڈگری ریکارڈ کیا گیا۔

کراچی میں سردی کی شدت میں اضافہ دیکھنے میں آیا، درجۂ حرارت سنگل ڈیجٹ میں آگیا۔ اس سے قبل دسمبر کے آغاز میں بھی شہر میں سنگل ڈیجٹ درجۂ حرارت ریکارڈ کیا گیا تھا۔

محکمہ موسمیات نے موسم کے حوالے سے بڑی پیشگوئی کردی

محکمہ موسمیات نے لاہور میں 23 دسمبر کو بارش کی پیش گوئی بھی کی ہے۔

محکمہ موسمیات نے مزید بتایا کہ کراچی میں آج بھی تیز ہوائیں جاری رہیں گی جبکہ، سردی بڑھنے کا امکان ہے۔