بھارتی فلموں میں اس سے پہلے امریش پوری اور شکتی کپور جیسے کردار اداکاروں کو منفی کرداروں میں ٹائپ کاسٹ کیا جاتا تھا۔

حیران کن طور پر ایک اداکار نے فلم میں ”راون“ کا کردار ادا کرنے کے لیے 200 کروڑ روپے معاوضہ وصول کیا جو بھارتی فلم انڈسٹری کی تاریخ کا سب سے بڑا معاوضہ ہے۔

موٹاپے کا شکار ہونے والی مشہور بولی وڈ اداکار

مشہور فلم سیریز“ کے جی ایف“ سے شہرت حاصل کرنے والے اداکار یش اب بھارتی سنیما کے سب سے مہنگے ولن بن چکے ہیں اور وہ نتیش تیواری کی آنے والی فلم ”رامائن“ میں یش ”راون“ کے کردار میں نظر آئیں گے۔

بولی وڈ کے وہ اداکار جو حقیقی زندگی میں رشتے دار ہیں

این ڈی ٹی وی کے مطابق یش نے فلم کے معاوضے اور ڈسٹریبیوشن شیئر کی مد میں 200 کروڑ روپے وصول کیے ہیں، یہ فیس شاہ رخ خان اور اکشے کمار سمیت کئی معروف اداکاروں کی کمائی سے بھی زیادہ ہے۔

سلمان خان اور پربھاس جیسے معروف اداکاروں نے بھی عام طور پر فی فلم 120 سے 180 کروڑ روپے معاوضہ لیا ہے۔

یہ پہلا موقع ہے جب کسی ولن کو اتنا بھاری معاوضہ دیا گیا ہو، اور یش کا یہ کردار یقیناً فلم انڈسٹری میں ایک نئی تاریخ رقم کرے گا۔