جمعرات کے روز پاکستان سپر لیگ ( پی ایس ایل ) کے آفیشل ایکس ہینڈل سے اعلان کیا گیا کہ سری لنکن آلراؤنڈر چریتھ اسلنکا نے 10 ویں ایڈیشن کے پلیئر ڈرافٹ کے لیے باضابطہ طور پر سائن اپ کر لیا ہے۔

چریتھ اسلنکا پہلی بار پاکستان سپر لیگ میں ان ایکشن ہوں گے تاہم وہ اس سے قبل مختلف لیگز میں کھیل چکے ہیں۔ اس سے قبل آج پاکستان سپر لیگ 10 کیلئے ایک ہی دن میں نیوزی لینڈ کے دو کھلاڑیوں نے بھی خود کو رجسٹرڈ کروایا۔

یاد رہے کہ پاکستان سپر لیگ ایڈیشن 10 کی ڈرافٹنگ کی تقریب 11 جنوری کو منعقد ہوگی۔

نیوزی لینڈ کرکٹ ٹیم کے اسٹار بیٹر مارک چیپمین اور آل راؤنڈر مائیکل بریسویل نے پاکستان سپر لیگ کھیلنے کیلئے اپنی آمادگی ظاہر کی ہے۔