غیر ملکی میڈیا رپورٹس کے مطابق ازبکستان کے شہر پرقند کے نجی چڑیا گھر کے رکھوالے کی شیروں کے ہاتھوں موت کا دل دہلا دینے والا واقعہ پیش آیا ہے۔

میڈیا رپورٹس کے مطابق چڑیا گھر میں رات کی ڈیوٹی کرنے والا 44 سالہ ایف اریسکولوف اپنی خاتون دوست کو متاثر کرنے کیلئے ویڈیو بنانے کی غرض سے پنجرے میں داخل ہوگیا، جو اس کیلئے جان لیوا ثابت ہوگیا۔

دنیا کو بچانے کا مشن، سائنسدانوں نے ہوا خارج نہ کرنے والی گائے تیار کرلی

واقعہ کی سوشل میڈیا پر وائرل ویڈیو میں دیکھا گیا ہے کہ مذکورہ شخص پنجرے کا تالا کھول کر شیروں کے قریب جاتا ہے، ابتدا میں شیر حملہ کرنے سے ہچکچاتے نظر آئے تاہم چند لمحوں کے بعد ان میں سے ایک شیر نے اس پر اچانک حملہ کردیا۔

متاثرہ شخص نے شیروں کے پنجرے میں داخل ہوکر ان کے سامنے خود اعتمادی کا مظاہرہ کرتے ہوئے کیمرے کی جانب اپنا رخ بھی کیا تھا تاکہ وہ خود کو کیمرے میں دکھا سکے۔

اس دوران ہی ایک بڑے شیر نے اس پر خوفناک انداز میں حملہ کردیا اور باقی شیر بھی اس پر جھپٹ پڑے، اور اس کے چہرے کو لہولہان کرتے ہوئے جسم کا کچھ حصہ بھی کھالیا۔

ویوز اور لائکس کیلئے ’کوبرا‘ سے کھیلنا یوٹیوبر کیلئے جان لیوا ثابت

بعد ازاں ریسکیو ٹیموں نے ایک شیر کو گولی مار کر ہلاک کردیا اور باقی دو شیروں کو بے ہوش کرکے دوسرے پنجرے میں منتقل کردیا گیا۔