بھارتی میڈیا میں گوری کا ایک انٹرویو شیئر کیا گیا ہے کہ جس میں ان کا کہنا تھا کہ ’میں نے شاہ رخ کیلئے بالی وڈ میں کامیابی کی دعا نہیں کی، اس کے برعکس ان کی فلموں کے فلاپ ہونے کی دعا کرتی تھی کیوں کہ شاہ رخ کے کیرئیر کے آغاز میں مجھے ان کی فلموں حتیٰ کہ ان کے فلمی کیرئیر سے بھی کوئی دلچسپی نہیں تھی‘۔

رام چرن کا سلمان خان کی فلم ’سکندر‘ پر دلچسپ تبصرہ وائرل

گوری خان نے کہا کہ میں نہیں چاہتی تھی کہ شاہ رخ فلموں میں کام کریں اسلیے جہاں پورا خاندان شاہ رخ کی کامیابی کے لیے نیک خواہشات کا اظہار کرتا تھا وہیں میں ان کی فلموں کے فلاپ ہونے کی دعا کرتی تھی’۔

بھارتی میڈیا کے مطابق گوری کے لیے شادی کے فورا بعد ممبئی میں ایڈجسٹ ہونا مشکل تھا جس کو دیکھ کر شاہ رخ نے اہلیہ سے اداکاری میں کامیاب نہ ہونے کی صورت میں تو دہلی واپس جانے کا وعدہ کیا تھا۔

چند ماہ قبل شادی کرنے والے سوناکشی اور ظہیر کی طلاق، وجہ کیا؟

انٹرویو میں گوری خان نے اپنی خواہش کا اظہار کیا تھا کہ ’میں چاہتی تھی کہ شاہ رخ کی تمام فلمیں فلاپ ہو جائیں اور ہم دہلی واپس چلے جائیں، مجھے اس بات کی بھی پرواہ نہیں تھی کہ ان کی فلم دیوانہ یا بازیگر سپر ہٹ ہوچکی تھیں اور نہ ہی میں نے ان کی یہ فلمیں دیکھی تھیں‘۔

ان کا مزید کہنا تھا کہ مجھے شاہ رخ کی فلموں کو سمجھنےمیں سال لگے جس میں میرے دوستوں نے مجھے کافی سپورٹ کیا۔