پی ٹی آئی کے مرکزی رہنما سلمان اکرم راجہ نے سینیٹر شبلی فراز کے ہمراہ پریس کانفرنس کرتے ہوئے کہاکہ آج بانی پی ٹی آئی سے طویل ملاقات ہوئی ہے، وہ اپنی جگہ کھڑے ہیں، بانی پی ٹی آئی نے کہا کہ مذاکراتی ٹیم کے ساتھ ملاقات کروائی جائے، اگر ملاقات ہوتی ہے تو پھر شاید کوئی راستہ نکل آئے گا۔

28 جنوری سے قبل پی ٹی آئی کی مذاکراتی کمیٹی سے ملاقات کروائی جائے، عمران خان کا مطالبہ

سینیٹر شبلی فراز نے کہا کہ پی ٹی آئی ملک کی سب سے بڑی جماعت ہے، ہم سمجھتے ہیں اگر ملک نے ترقی کرنی ہے تو بات کرنا پڑے گی، ہم پر ظلم ہوئے پھر بھی بانی پی ٹی آئی نے کہا کہ بات چیت کرنی چاہیے، ہم نے سب کچھ ان کی خواہش کے مطابق کیا، مطالبات لکھ کر بھی دئیے لیکن حکومت کی نیت میں کھوٹ تھی۔

پی ٹی آئی جوڈیشل کمیشن مطالبہ: 28 جنوری سے پہلے کسی بھی قسم کے اعلان کا ایک فیصد بھی امکان نہیں، عرفان صدیقی

پی ٹی آئی رہنماؤں کا کہنا ہے کہ بانی پی ٹی نے علی امین گنڈا پور کی درخواست پر انہیں تبدیل کرکے جنید اکبر کو پی ٹی آئی خیبر پختونخوا کا صدر بنایا ہے، جلد نئے عہدیداروں کا چنائو بھی ہوگا۔