اگرچہ بالوں کے گرنے کا علاج کرنے کے لیے متعدد طریقے دستیاب ہیں، ایک قدرتی اور مؤثرعلاج جس نے حالیہ برسوں میں خاصی توجہ حاصل کی ہے، وہ ہے پیاز کا تیل۔

پیاز کے تیل میں سلفر، اینٹی آکسیڈنٹس اور وٹامنز کی بھرپور مقدار پائی جاتی ہے، جو کھوپڑی کی صحت کو بہتر بنانے اور بالوں کے پٹک کو مضبوط کرنے میں مددگار ثابت ہوتی ہے۔

خاندان میں بیماریوں کے پھیلاؤ سے بچنے کےاہم طریقے

پیاز کا تیل قدرتی طور پر بالوں کے گرنے کو روکنے اور نئے بالوں کی افزائش کو فروغ دینے کے لیے جانا جاتا ہے۔ اگر آپ کے بال گھٹتے جا رہے ہیں یا آپ کو بالوں کی کمی کا سامنا ہے، تو پیاز کا تیل ایک قدرتی علاج کے طور پر مددگار ثابت ہو سکتا ہے۔

پیاز کے تیل کو لگانے کا طریقہ

پیاز کا تیل تیار کریں

آپ پیاز کا تیل گھر پر بھی بنا سکتی ہیں۔ اس کے لیے پیاز کو چھوٹے ٹکڑوں میں کاٹ کر اس کا رس نکال لیں۔ پھر اس رس کو کوکونٹ آئل یا بادام کے تیل میں مکس کریں اور تھوڑی دیر کے لیے اُبالیں تاکہ تیل میں پیاز کے اجزاء شامل ہو جائیں۔

بالوں کو دھو لیں

پیاز کا تیل لگانے سے پہلے اپنے بالوں کو اچھی طرح دھو لیں تاکہ ان پر کوئی میل یا گندگی نہ ہو۔ دھلے ہوئے بالوں پر تیل زیادہ مؤثر طریقے سے جذب ہوتا ہے۔

مناسب مقدار میں تیل لگائیں

تیل کے چند قطرے اپنی ہتھیلی پر ڈالیں اور پھر اسے آہستہ آہستہ اپنے سر کی کھوپڑی پر لگائیں۔ تیل کو بالوں کی جڑوں میں اچھی طرح مساج کریں تاکہ یہ تیل بالوں کی جڑوں تک پہنچ سکے۔

ہلکے ہاتھوں سے مساج کریں

پیاز کے تیل کو کھوپڑی پر ہلکے ہاتھوں سے 10-15 منٹ تک مساج کریں۔ اس سے خون کی گردش بہتر ہوگی اور بالوں کی جڑوں تک غذائی اجزاء پہنچیں گے۔

سرڈھانپ لیں

تیل کو بالوں میں لگانے کے بعد ایک شاور کیپ یا تولیے سے اپنے سر کو ڈھانپ لیں تاکہ تیل جذب ہو سکے اور یہ زیادہ مؤثر ثابت ہو۔

ایک گھنٹے کے بعد دھو لیں

پیاز کا تیل بالوں میں کم از کم ایک گھنٹہ لگا رہنے دیں، پھر اسے معمول کے مطابق ہلکے شیمپو سے دھو لیں۔

بہترین نتائج کے لیے پیاز کا تیل ہفتے میں 2-3 بار استعمال کریں۔ اس سے آپ کے بالوں کی جڑوں کو طاقت ملے گی اورنشوونما میں مدد ملے گی۔

پیاز کا تیل بعض اوقات جلد پر جلن پیدا کر سکتا ہے۔ اگر آپ کو اس کا استعمال کرتے وقت تکلیف محسوس ہو، تو فوراً اسے دھو لیں اور آئندہ کم مقدار میں استعمال کریں۔