امریکا میں ایک اور فضائی حادثہ، فلاڈیلفیا میں چھوٹا طیارہ گر کر تباہ، 6 افراد ہلاک

none@none.com (ویب ڈیسک) — Sat, 01 Feb 2025 08:35:09 +0500

امریکی ریاست پسلوانیا کے شہر فلاڈیلفیا میں ایک اور فضائی حادثہ پیش آیا ہے، جہاں ایک چھوٹا طیارہ گر کر تباہ ہوگیا۔

خبر رساں ایجنسی کے مطابق، حادثہ فلاڈیلفیا کے شمال مشرقی علاقے میں پیش آیا، جس کے نتیجے میں قریبی گھروں میں آگ لگ گئی۔

طیارے میں دو افراد سوار تھے، تاہم امریکی میڈیا کا کہنا ہے کہ حادثے میں چھ افراد کے ہلاک ہونے کی اطلاع ہے۔

ابتدائی رپورٹس کے مطابق، طیارہ پرواز کے صرف 30 سیکنڈ بعد ہی گر کر تباہ ہوگیا۔

واشنگٹن میں بدھ کے روز ایک اور بڑا فضائی سانحہ پیش آیا تھا، جہاں ایک مسافر طیارہ اور فوجی ہیلی کاپٹر آپس میں ٹکرا گئے تھے۔ حادثے کے بعد دونوں طیارے دریا میں جا گرے تھے اور سرچ آپریشن جاری ہے۔

Aaj TV - World