’چھپی ہوئی چربی‘ ایک نظر انداز شدہ خطرہ ہے۔

یورپی ہارٹ جرنل میں شائع ہونے والی ایک تحقیق سے کیا پتا چلا؟

یورپی ہارٹ جرنل میں شائع ہونے والی ایک تحقیق کے مطابق، جن افراد کے پٹھوں میں زیادہ چربی ہوتی ہے، ان میں دل کی بیماری، ہارٹ اٹیک اور یہاں تک کہ موت کا خطرہ بھی بڑھ جاتا ہے۔ حیران کن بات یہ ہے کہ یہ خطرہ صرف موٹے افراد تک محدود نہیں بلکہ ان لوگوں میں بھی پایا گیا جن کا باڈی ماس انڈیکس نارمل تھا۔

وزن کم کرنا ہے تو کھیرے کو ایسے کھائیں

بی ایم آئی کیوں کافی نہیں؟

زیادہ تر لوگ موٹاپے کا اندازہ لگانے کے لیے باڈی ماس انڈیکس (body mass index) کا استعمال کرتے ہیں، لیکن یہ پیمانہ ہر کسی کے لیے درست ثابت نہیں ہوتا۔ کچھ افراد کا ’بی ایم آئی‘ تو نارمل ہوتا ہے، لیکن ان کے جسم میں چھپی ہوئی چربی کا تناسب زیادہ ہوتا ہے، جو ان کی صحت کے لیے نقصان دہ ہو سکتا ہے۔

یہ چربی کیسے نقصان پہنچاتی ہے؟

یہ ’انٹرمسکلر‘ چربی جسم کے مختلف پٹھوں میں موجود ہو سکتی ہے اور خون کی باریک نالیوں کو متاثر کر سکتی ہے۔ اس کے نتیجے میں دل کی چھوٹی رگیں ٹھیک سے کام نہیں کر پاتیں، جو دل کی بیماری، ہارٹ فیل ہونے اور دیگر مسائل کا سبب بن سکتی ہیں۔

تحقیق کیسے کی گئی؟

اس تحقیق میں 669 افراد کو شامل کیا گیا، جنہیں سینے میں درد یا سانس لینے میں تکلیف کی شکایت تھی، لیکن ان میں دل کی رگوں کی کوئی بڑی رکاوٹ نہیں پائی گئی۔ ان افراد کی اوسط عمر 63 سال تھی، اور ان میں 70 فیصد خواتین شامل تھیں۔

اب کیا کیا جائے؟

چونکہ عام پیمانے (جیسے BMI) ہمیشہ درست معلومات فراہم نہیں کرتے، اس لیے صحت مند زندگی گزارنے کے لیے ہمیں مزید تحقیق اور بہتر طریقوں کی ضرورت ہے۔ فی الحال، متوازن غذا، ورزش اور جسمانی سرگرمیاں اپنا کر ہم خود کو بہتر صحت کی طرف لے جا سکتے ہیں۔

وزن کم کرنے کے لیے صرف 2 اجزاء والا جادوئی مشروب

اگر آپ دل کی صحت کا خیال رکھنا چاہتے ہیں تو صرف وزن یا ’بی ایم آئی‘ پر نہ جائیں، بلکہ اپنے جسم میں چربی کی تقسیم پر بھی غور کریں۔ چھپی ہوئی چربی کو نظر انداز کرنا خطرناک ثابت ہو سکتا ہے۔ مجموعی طور پر ہم یہ کہہ سکتے ہیں کہ ہمیں اپنا طرزِزندگی سادہ اور صحت مند اپنانا ہوگا جس میں سادی غذائیں، سبزیاں، پھل، پانی کی مناسب مقدار اور ورزش کےساتھ نیند اور اپنے آرام کے اوقات پر بھی توجہہ دینی ہوگی۔

یاد رکھیں مناسب اور صحت بخش طرزِ زندگی آپ کو بہت سی مشکلات سے بچا سکتا ہے اور آپ صحتمند، چاق و چوبند رہ سکتے ہیں-