پشاورمیں پریس کانفرنس کرتے ہوئے پی ٹی آئی کے مرکزی سیکرٹری اطلاعات شیخ وقاص اکرم نے کہا ہے کہ چیف الیکشن کمشنر کی مدت ملازمت ختم ہوچکی ہے، اپوزیشن لیڈرعمر ایوب اور شبلی فراز نے حکومت کو نئے چیف الیکشن کمیشن کے لیے خطوط لکھیں ہیں۔

پی ٹی آئی کے مرکزی ترجمان شیخ وقاص اکرم نے کہا کہ الیکشن کمیشن نے ہمارے ساتھ ذیادتی کی ہے، الیکشن کمیشن نے عوام کی مینڈیٹ پرڈاکہ ڈالا۔

شیخ وقاص نے کہا کہ پی ٹی آئی کے ساتھ انتقامی کارروائیاں ابھی تک جاری ہے، بانی پی ٹی آئی پر مقدمات میں الیکشن کمیشن نے حکومت کو سہولت فراہم کی۔

ترجمان پی ٹی آئی کا کہنا تھا کہ مخصوص نشستوں سے پی ٹی آئی کو محروم رکھا گیا، پی ٹی آئی نے چیف الیکشن کمشنر کے خلاف درج شکایت جمع کی ہے، شکایت عمرایوب خان نے سپریم جوڈیشل کونسل میں کی ہے۔

شیخ وقاص کا مزید کہنا تھا کہ ان مجرمانہ اقدامات کا جواب دینا ہوگا، ہم نے بار بار لکھا کہ ہمارا تعلق پی ٹی آئی سے ہے، پھر بھی ہمیں آزاد اراکین می شامل کیا گیا ہے۔