کراچی کے علاقے فیڈرل بی ایریامیں خاتون سے نازیبا حرکت میں ملوث شخص کو گرفتار کرلیا گیا۔

پولیس کے مطابق موٹرسائیکل سوار ملزم کاشف نے بلاک چودہ میں خاتون سے بدتمیزی کی۔ علاقہ مکین کے پکڑنے کی کوشش میں اس کی موٹرسائیکل بھی گرپڑی۔

جوہرآباد پولیس کے مطابق ملزم کوسی سی سی ٹی وی فوٹیج کی مدد سے گرفتارکیاگیا۔ ملزم کاشف سپرمارکیٹ اسٹور میں سیلزمین ہے۔

دوران تفتیش ملزم نے جرم کااعتراف بھی کرلیا۔

دوسرےایک اور واقعہ میں دستگیر بلاک 9 ریلوے کالونی میں موٹر سائیکل سوار ملزم خاتون سے پرس چھین کر فرار ہوگیا۔ واردات کی سی سی ٹی وی فوٹیج منظرعام پر آگئی۔

ویڈیو میں دیکھا جا سکتا ہے کہ ایک ملزم موٹر سائیکل پر گلی سے گزرنے والی خاتون سے پرس چھینتا ہے متاثرہ خاتون ملزم کے پیچھے بھاگتی ہیں لیکن ملزم فرار ہوجاتا ہے۔

علاقہ مکین کہتے ہیں پرس چھیننے کی واردات آج دوپہر میں پیش آئی ایسی وارداتیں معمول بن گئی ہیں، پولیس کا گشت نہ ہونے کی وجہ سے اسٹریٹ کرائم کی وارداتوں میں اضافہ ہوتا جا رہا ہے۔