اڈیالہ جیل کا حوالاتی الیاس نذر پمز ہسپتال منتقلی کے دوران راستے میں جاں بحق ہوگیا، جہاں اسے علاج کی غرض سے لے جایا جا رہا تھا، متوفی تھانہ مارگلہ میں درج منشیات کے مقدمہ میں گرفتار تھا۔

دوسرے واقعے میں حوالاتی محمد امین دل کی تکلیف پر راولپنڈی انسٹیٹیوٹ آف کارڈیالوجی اسپتال منتقل کرنے کے دوران جان کی بازی ہار گیا۔

محمد امین روات کا رہائشی اور چیک ڈس آنر کے مقدمہ میں جیل بند تھا، دونوں لاشوں کو قانونی کارروائی مکمل کرکے اسپتال منتقل کردیا گیا۔