رمضان المبارک کا چاند دیکھنے کے لیے مرکزی رویت ہلال کمیٹی کا اجلاس کل پشاور میں منعقد ہوگا۔ اس حوالے سے زونل رویت ہلال کمیٹیوں کے اجلاس بھی ملک کے تمام زونل ہیڈکوارٹرز میں ہوں گے۔

اسلام آباد میں زونل رویت ہلال کمیٹی کا اجلاس وزارت مذہبی امور میں منعقد کیا جائے گا، جہاں چاند کی رویت سے متعلق شہادتیں موصول کی جائیں گی۔

اجلاس میں محکمہ موسمیات، سپارکو اور دیگر متعلقہ اداروں کے نمائندے بھی شریک ہوں گے۔

مرکزی اور زونل کمیٹیاں چاند کی رویت کا جائزہ لینے کے بعد اپنی سفارشات مرتب کریں گی، جس کے بعد ملک بھر میں رمضان کے آغاز کا باضابطہ اعلان کیا جائے گا۔