ترجمان پنجاب پولیس کے مطابق ملک میں سکیورٹی صورتحال کے پیش نظر پنجاب بھر میں پولیس کے انٹیلیجنس بیسڈ آپریشنز اور فرضی مشقیں جاری ہیں۔

آئی جی پنجاب کا کہنا تھا کہ گزشتہ 2 روز کے دوران پنجاب بھر میں 791 سرچ اینڈ سویپ آپریشن اور 07 فرضی مشقیں کی گئیں، سرچ آپریشنز کے دوران سنگین جرائم میں ملوث اشتہاری و عادی مجرم اور مشتبہ افراد کو گرفتار کیا گیا اور ملزمان کے قبضہ سے 3 کلاشنکوف، 30 بندوقیں،21 ہینڈ گنز، سینکڑوں کی تعداد میں گولیاں برآمد کر لی گئیں۔

آئی جی پنجاب نے کہا کہ دہشت گردوں اور جرائم پیشہ عناصر کی سرکوبی کے لیے پنجاب پولیس کی مشقیں جاری رہیں گی۔