ترجمان محکمہ خارجہ ٹیمی بروس نے کہا کہ کسی دوسرے ملک کے اندرونی معاملات پر بات نہیں کی جائے گی۔ صحافی کے سوال پر انہوں نے کہا کہ صدر ڈونلڈ ٹرمپ کی سوچ سے متعلق چاہیں تو وائٹ ہاؤس سے بھی پوچھ لیں۔

بدھ کو ترجمان امریکی محکمہ خارجہ ٹیمی بروس سے میڈیا بریفنگ کے دوران سابق وزیر اعظم پاکستان اور تحریک انصاف کے بانی عمران خان سے متعلق سوال کیا گیا۔

پاکستانی سفارتکار کو امریکا میں داخلے سے روک دیا گیا

امریکی رپورٹ میں بھارت مذہبی آزادی کے حوالے سے تشویشناک ملک قرار

ان کا مزید کہنا تھا کہ صدر ٹرمپ اور وزیر خارجہ مارکو روبیو نے واضح کیا ہے کہ ہمیں کرہ ارض کی پرواہ ہے۔

انہوں نے کہا کہ امریکا کو اپنے پڑوسیوں کی پرواہ ہے، ہمیں اس بات کی فکر ہے کہ دنیا میں کیا ہو رہا ہے اور یہ ہمارے عمل سے واضح ہے۔

امریکی محکمہ خارجہ نے امریکا میں داخلے پر پابندی کے لیے ملکوں کی فہرست بنانے کی تردید کردی۔

ٹیمی بروس نے کہا جس فہرست کا انتظار ہو رہا ہے اس کا کوئی وجود نہیں ہے۔ صدر ٹرمپ کے حکم پر ویزا مسائل کا حل تلاش کیا جا رہا ہے جلد مکمل حل سامنے آئے گا۔