پولیس کے مطابق شواکئی، تخت کلے اور پلوسی بانڈہ میں دہشت گردوں کے ٹھکانوں پر آپریشن کیا گیا تاہم اہم کمانڈر کلیم اللّٰہ اپنے ساتھیوں سمیت فرار ہونے میں کامیاب ہوگیا۔

پولیس کا کہنا ہے کہ دہشت گرد کھانے پینے کا سامان چھوڑ کر فرار ہونے پر مجبور ہوگئے جبکہ علاقے میں ان کی باقیات بھی ملی ہیں۔

آپریشن کے دوران شرپسندوں کی عارضی کمین گاہوں کو آگ لگا کر تباہ کر دیا گیا جبکہ پولیس نے واضح کیا کہ علاقے میں قانون کو چیلنج کرنے والوں کو کسی صورت برداشت نہیں کیا جائے گا۔

پولیس حکام کا کہنا ہے کہ دہشت گردوں کے تمام ٹھکانے مسمار کرکے دم لیا جائے گا اور آپریشن کلین اپ کا مقصد شرپسند عناصر کا مکمل خاتمہ اور عوام کو تحفظ فراہم کرنا ہے۔