ان کی مقبولیت کا راز صرف ان کی فلموں میں اداکاری نہیں، بلکہ ان کی شخصیت کا وہ پہلو بھی ہے جو انہیں اپنے فینز کے قریب لاتا ہے۔ حالیہ دنوں میں، سلمان خان ایک اور موقع پر اپنے مداحوں کا دل جیتنے میں کامیاب رہے، جب ایک ویڈیو سوشل میڈیا پر وائرل ہوئی۔

چھوٹی عمر کی ہیروئن کیساتھ کام کرنے کے سوال پر سلمان خان کا رپورٹر کو دلچسپ جواب

ویڈیو میں سلمان خان کو اپنی خواتین مداحوں کے ساتھ ایک محبت بھری ملاقات میں دیکھا جا سکتا ہے، جہاں وہ ان کے قدموں کو چھو کر سیلفی لینے کی درخواست کو فوراً قبول کرتے ہیں۔

یہ واقعہ اس وقت پیش آیا جب سلمان خان ممبئی میں ایک کرکٹ میچ میں شرکت کرنے آئے تھے جس کا مقصد ٹی بی مریضوں کے لیے فنڈز اکٹھا کرنا اور عوام میں آگاہی پیدا کرنا تھا۔ اس دوران، تین خواتین مداح اسٹیج پر آئیں اور سلمان خان کے قدموں کو چھو کر ان سے دعا کی درخواست کی۔

سشانت سنگھ کی موت کا کیس 4 سال بعد بند کیوں کردیا گیا؟

سلمان خان نے اپنی عاجزی کا مظاہرہ کرتے ہوئے فوراً اٹھ کر مداحوں سے بات کی اور ان کی خواہش پر ان کے ساتھ سیلفی بھی بنوائی۔

اس ویڈیو کے وائرل ہونے کے فوراً بعد سوشل میڈیا پر مداحوں نے سلمان خان کی سادگی اور محبت بھری طبیعت کی بھرپور تعریف کی۔

ایک صارف نے سلمان خان کو انڈسٹری کا سب سے بڑا سپر اسٹار قرار دیا، جب کہ دوسرے نے انہیں ”گولڈن ہارٹڈ مین“ کے خطاب سے نوازا۔

سلمان خان کی نئی فلم ”سکندر“ بھی حالیہ دنوں میں مداحوں کی توجہ کا مرکز بنی ہوئی ہے۔ اس فلم کی ہدایتکاری اے آر مرگدوس نے کی ہے اور اس میں رشمیکا مندانا ان کے ساتھ مرکزی کردار ادا کر رہی ہیں۔

فلم کی تشہیر کے دوران، نئے پوسٹرز اور ٹیزرز نے مداحوں کی امیدوں کو مزید بڑھا دیا ہے۔ ”سکندر“ 30 مارچ 2025 کو عید کے موقع پر بڑی اسکرین پر ریلیز ہونے والی ہے، جس کا انتظار کئی ماہ سے کیا جا رہا ہے۔