عیدالفطر کا پر مسرت موقع پر ہر کوئی اپنے پیاروں کے ساتھ مناتا ہے، لیکن وطن کے رکھوالے یہ دن بھی بارڈر پر وطن عزیز کی حفاظت کرتے گزار رہے ہیں۔

میٹھی عید کی میٹھی خوشیاں ہر کوئی اپنے پیاروں کے ساتھ منا رہا ہے جبکہ پاک فوج کے جوان حسب روایت آج بھی سرحدوں پر چوکس ہیں۔

آرمی چیف جنرل عاصم منیر کی جنوبی وزیرستان اور ڈی آئی خان میں جوانوں کے ساتھ عید

ایف سی نارتھ کے جوان اپنی عید پاک افغان بارڈر تورموڑ پوسٹ پر منا رہے ہیں جہاں جوانوں نے نماز عید کی ادائیگی کے بعد ایک دوسرے سے گلے مل کرعیدالفطر کی مبارک باد دی۔

سرحد پر موجود جوانوں کا کہنا ہے کہ یونیفارم پہنتے ہوئے وطن عزیز کی حفاظت کا عہد کیا تھا جو تاقیامت نبھائیں گے۔

میری یونٹ، میرا گھر کا جذبہ لیے جوانوں نے ملکی سلامتی کے لئے خصوصی دعائیں بھی کیں۔

یاد رہے کہ آرمی چیف جنرل سید عاصم منیر نے عید الفطر مغربی سرحد پر تعینات افسران اور جوانوں کے ساتھ گزاری۔

آئی ایس پی آر کے مطابق عید کے پہلے روز آرمی چیف جنرل سید عاصم منیر نے جنوبی وزیرستان کے علاقے وانا اور ڈیرہ اسماعیل خان میں چہکان کا دورہ کیا۔

آرمی چیف جنرل سید عاصم منیر نے جوانوں کے ہمراہ عید کی نماز ادا کی اور پاکستان کے استحکام اور خوشحالی کے لئے دعا کی۔