گمبٹ

سندھ کے شہر گمبٹ قومی شاہراہ پر خوفناک ٹریفک حادثہ پیش آیا، جہاں مسافر کوچ اور کار میں تصادم کے نتیجے میں 3 افراد جاں بحق اور 8 سے زائد شدید زخمی ہوگئے۔

ریسکیو حکام کے مطابق جاں بحق ہونے والوں میں ایک بچی، عورت اور مرد شامل ہے۔ پولیس اور ریسکیو ٹیموں نے جائے حادثہ پر پہنچ کر لاشیں گمس اسپتال منتقل کردیں۔

عید کے پہلے دن ملک کے بیشتر اضلاع میں ٹریفک حادثات میں 11 افراد جاں بحق

پولیس کے مطابق جاں بحق ہونے والوں میں ایک شخص کی شناخت نیاز محمد جوکہ تیارزہ وزیرستان کا رہائشی ہے جبکہ 2 افراد کی شناخت تاحال نہیں ہوسکی ہے۔

جاں بحق اور زخمی کراچی سے پنجاب جارہے تھے کے گمبٹ قومی شاہراہ پر حادثہ پیش آگیا۔

فاروق آباد

ضلع شیخوپورہ کے علاقے فاروق آباد میں سرگودھا روڈ پر سچا سودا قریب ڈیرہ بازیگراں اسٹاپ پر کار نے موٹرسائیکلوں کو ٹکر ماردی، حادثے کے نتیجے میں 3 نوجوان جاں بحق اور ایک زخمی ہوگیا۔

جاں بحق افراد کی شناخت 25 سالہ علی ولد اللہ رکھا، 26 سالہ عمران ولد مقصود اور 25 سالہ وقاص ولد الیاس کے نام سے ہوئی۔

اس کے علاوہ 32 سالہ زخمی شخص کی شناخت غضنفر ولد انور سے ہوئی جبکہ ریسکیو1122 کی امدادی ٹیم نے زخمی شخص کو طبی امداد پہنچائی۔

قمبر شہداد کوٹ؛ 2 موٹر سائیکلوں میں تصادم، حادثے میں ماں بیٹی جاں بحق

کوٹ ادو

پنجاب کے شہر کوٹ ادو میں تیز رفتار 2 موٹر سائیکلیں ٹکرا گئیں، حادثے میں 2 نوجوان جاں بحق اور 3 افراد زخمی ہوئے۔