لاہورمیں سوشل میڈیا پر قومی سلامتی کے اداروں اور ریاست کے خلاف پروپیگنڈا کرنے پرمعروف گلوکار سلمان احمد کے خلاف پیکا ایکٹ کے تحت مقدمہ درج کرلیا گیا۔

پولیس کے مطابق مقدمہ پولیس کی مدعیت میں ڈیفنس اے میں درج کیا گیا، ایف آئی آر میں کہا گیا کہ سلمان احمد کے ایکس پر 265.4 k فالوورز ہیں۔

پولیس کی مدعیت میں دائر کی گئی ایف آئی آر کے مطابق سلمان احمد نے قومی اداروں کے خلاف سوشل میڈیا پر جھوٹا پروپیگینڈا کیا۔

مقدمے میں یہ بھی کہا گیا کہ ملزم نے نفرت انگیز پوسٹ وائرل کیا، سلمان احمد کی پوسٹ ڈیوٹی پر تعینات پولیس آفیسر نے بذات خود دیکھی۔