نوٹیفکیشن کے مطابق جسٹس علی باقر نجفی کی سپریم کورٹ میں تعیناتی حلف اٹھانے کی تاریخ سے مؤثر ہو گی۔ ان کی تقرری آئین کے آرٹیکل 177(1) اور 175A(8) کے تحت کی گئی ہے۔

ذرائع کے مطابق جسٹس علی باقر نجفی کی تقریب حلف برداری کل ہوگی، چیف جسٹس پاکستان یحییٰ آفریدی جسٹس علی باقرنجفی سے حلف لیں گے۔

حلف برداری تقریب سپریم کورٹ میں ہوگی، جس میں ججز، اٹارنی جنرل، صوبائی ایڈووکیٹ جنرلز اور سینئر وکلاء شریک ہوں گے۔

یاد رہے کہ جسٹس علی باقر نجفی اس سے قبل لاہور ہائی کورٹ کے جج کے طور پر خدمات انجام دے رہے تھے۔ انہیں سپریم کورٹ کا جج بنانے کی سفارش جوڈیشل کمیشن آف پاکستان نے کی تھی۔

ان کی تعیناتی کے بعد سپریم کورٹ میں ججوں کی تعداد میں اضافہ ہو گیا ہے۔