توشہ خانہ ٹو کیس میں اسلام آباد ہائیکورٹ نے بانی پی ٹی آئی اوربشریٰ بی بی کی بریت کی درخواستیں جلد سماعت کیلئے مقرر کرنے کا حکم دے دیا۔ جسٹس انعام امین منہاس نے کیس جلد مقررکرنے کی متفرق درخواست منظورکر لی۔

اسلام آباد ہائیکورٹ میں سماعت کے دوران وکیل خالد یوسف چوہدری نے استدعا کی کہ کیس سماعت کے لیے مقررکرنے کی تاریخ دے دیں۔

جسٹس انعام امین منہاس نے ریمارکس دیے کہ میں نے آرڈر کر دیا ہے آفس کیس سماعت کے لیے مقرر کر دے گا۔

واضح رہے کہ بانی پی ٹی آئی اوربشریٰ بی بی نے توشہ خانہ ٹو کیس میں بریت کی درخواستیں دائر کر رکھی ہیں۔