زلزلہ صبح 6 بج کر 45 منٹ پر آیا اور اس کے جھٹکے ملک کے کم از کم 10 مختلف صوبوں میں محسوس کیے گئے۔ ارضیاتی ماہرین کے مطابق زلزلے کی گہرائی 30 کلومیٹر تھی، جو زیرزمین توانائی کے شدید اخراج کا سبب بنی۔

ترکیہ میں زلزلے کے جھٹکے کے دوران شہری نے بالکونی سے چھلانگ لگا دی

زلزلے کے باعث متعدد سرکاری و نجی عمارتوں کو نقصان پہنچا۔ شہریوں نے خوف کے مارے گھروں اور دفاتر سے نکل کر کھلے میدانوں کا رخ کیا، جبکہ کئی علاقوں میں بجلی کی فراہمی عارضی طور پر معطل ہو گئی۔

حکام کا کہنا ہے کہ فوری طور پر سونامی کا کوئی خطرہ نہیں، اس لیے سونامی وارننگ جاری نہیں کی گئی۔ تاہم متاثرہ علاقوں میں ریسکیو اور ریلیف سرگرمیاں تیزی سے جاری ہیں اور زخمیوں کو فوری طبی امداد دی جا رہی ہے۔

10 جانور جنہیں زلزلے کا وقت سے پہلے پتا چل جاتا ہے

حکومتی ادارے عمارتوں کے ملبے کو صاف کرنے اور متاثرہ خاندانوں کو عارضی پناہ گاہوں میں منتقل کرنے میں مصروف ہیں۔ ماہرین نے خبردار کیا ہے کہ آفٹر شاکس کا امکان ابھی باقی ہے، اس لیے شہریوں کو احتیاط برتنے کی ہدایت جاری کی گئی ہے۔