سائرہ افضل تارڑ نے اس موقع پر گفتگو میں کہا کہ اللہ کے فضل و کرم سے دریائے چناب اپنی پوری آب و تاب کے ساتھ رواں ہے۔ کسی کی مجال نہیں کے پاکستان کے حق کا پانی روک سکے، پاکستان کا پانی روکنے کے دعویداروں کے پاس نہ ایسی صلاحیت ہے اور نہ ہمت ہے۔

سائرہ افضل تارڑ نے کہاکہ پاکستانی قوم کی دعاؤں اور اللہ کی مہربانی سے یہ دریا ایسے ہی بہتے رہیں گے، انشاء اللہ۔

انہوں نے کہا کہ بھارت کا پاکستان کے دریاؤں کا پانی روکنے کا خواب کبھی پورا نہیں ہو گا۔ انہوں نے کہا کہ پاکستان بھارت کی سرحدی اور آبی جارحیت اور شدت پسندی کا بھرپور جواب دینے کے تیار ہے۔