پاکستانی فضائی دفاعی نظام نے بھارتی فضائیہ کے جدید ترین رافیل جنگی طیارے سے داغا گیا فرانسیسی ساختہ اسکیلپ (SCALP) کروز میزائل راستے میں ہی تباہ کر دیا۔

پاکستان نے الیکٹرانک وار فیئر سے بھارتی میزائلوں کو کیسے بھٹکایا

یوکرینی ملٹری میڈیا نے ”اسکیلپ کروز میزائل“ کی تباہی کے بعد کے مناظر اپنی ویب سائٹ پر جاری کئے۔

یہ میزائل، جو بھارت نے فرانس سے جدید رافیل طیاروں کے ساتھ خریدا تھا، اس کی قیمت اربوں ڈالر میں ہے۔ تاہم، پاکستان نے نہ صرف میزائل کو مار گرایا بلکہ مبینہ طور پر میزائل لے جانے والے رافیل طیارے کو بھی فضاء میں تباہ کر دیا۔

اسکیلپ کروز میزائل: جدید ٹیکنالوجی کا مہلک ہتھیار

SCALP (Système de Croisière Autonome à Longue Portée) یا Storm Shadow، ایک فرانسیسی ساختہ ہوا سے زمین پر مار کرنے والا کروز میزائل ہے، جو رافیل جیسے جدید طیاروں سے فائر کیا جاتا ہے۔ اس میزائل کی خاص بات یہ ہے کہ یہ طویل فاصلے سے دشمن کے انتہائی محفوظ اور مضبوط اہداف کو تباہ کرنے کی صلاحیت رکھتا ہے۔

میزائل کی اہم تکنیکی خصوصیات

• رینج: تقریباً 250 کلومیٹر سے 560 کلومیٹر (خفیہ طور پر زیادہ بھی ہو سکتی ہے)

• وارہیڈ: BROACH (Bomb Royal Ordnance Augmented CHarge) ملٹی اسٹیج وارہیڈ

• وزن: 400 سے 450 کلوگرام

• مقصد: بنکرز، کمانڈ سینٹرز، ایئر بیسز جیسے مضبوط اہداف کو مکمل تباہ کرنا

• انجن: فرانسیسی Microturbo TRI 60-30 ٹربوجیٹ

• رفتار: سب سونک لیکن انتہائی کم بلندی پر پرواز کی صلاحیت

• خودکار نیویگیشن، GPS اور TERCOM سسٹمز سے لیس

• لمبائی: تقریباً 5.10 میٹر

• وزن: تقریباً 1,300 کلوگرام

• گائیڈنس سسٹم: انرشیل، GPS، TERCOM اور DSMAC کی مدد سے خودکار اہداف پر حملہ

رینجرز کے ساتھ ڈرون گرانے والے پاکستانی شہری کی سوشل میڈیا پر تعریفیں

یہ میزائل بنیادی طور پر خفیہ حملوں کے لیے استعمال کیا جاتا ہے۔ بھارتی فضائیہ نے اس میزائل کو اپنے سب سے مہنگے اور جدید طیارے رافیل کے ساتھ حاصل کیا تھا۔

یوکرینی ویب ساءت کے مطابق بھارتی دفاعی تجزیہ کاروں کا کہنا ہے کہ بھارت کے پاس اسکیلپ میزائلوں کی تعداد تقریباً 150 ہے، اگرچہ سرکاری طور پر اس کی تصدیق نہیں کی گئی۔

ذرائع کے مطابق، یہ اسکیلپ میزائل ایک بھارتی رافیل طیارے سے فائر کیا گیا جو مبینہ طور پر پاکستان کے حساس دفاعی مراکز کو نشانہ بنانے آیا تھا۔ تاہم، پاکستانی ایئر ڈیفنس نے نہ صرف بروقت ردعمل دیا بلکہ میزائل کو ہوا میں تباہ کر دیا۔

بھارتی فضائیہ کی رسوائی اور پاک فضائیہ کی ٹرولنگ: 1965 سے آج تک کچھ نہیں بدلا

یوکرینی ویب سائٹ نے پاکستانی ویب سائٹ ”ڈیفنس پاکستان“ کے ایکس اکاؤنٹ پر موجود تصاویر کا حوالہ دیا، جن میں میزائل کے فیوزلاج، وارہیڈ، اور ٹربوجیٹ انجن کے مختلف حصے واضح طور پر دکھائی دیتے ہیں۔

ماہرین کا کہنا ہے کہ یہ میزائل ایک ایسے رافیل طیارے سے فائر کیا گیا جسے پاکستانی فضائیہ نے J-10CE طیارے کے ذریعے PL-15E میزائل سے مار گرایا۔ یہ طیارے چین سے حاصل کیے گئے تھے اور ان کا ریڈار اور میزائل سسٹم جدید ترین تصور کیا جاتا ہے۔

سابق بھارتی جنرل چینی جنگی سازوسامان کے استعال میں پاکستانی مسلح افواج کے گرویدہ

عالمی دفاعی ماہرین اس واقعے کو جنوبی ایشیا میں جنگی توازن کے نقطۂ نظر سے بہت اہم قرار دے رہے ہیں۔ ماہرین کے مطابق فرانسیسی ساختہ ”SCALP“ جیسے میزائل کا پاکستانی دفاعی نظام سے مارا جانا یہ ثابت کرتا ہے کہ پاکستان نہ صرف جدید ٹیکنالوجی رکھتا ہے بلکہ بروقت اور مؤثر ردعمل دینے کی مکمل صلاحیت بھی رکھتا ہے۔