آسٹریلوی میڈیا کی رپورٹ کے مطابق آئی پی ایل فرنچائز دہلی کیپیٹل کے فاسٹ بولر میچل اسٹارک نے بقیہ میچز کے لیے اپنی عدم دستیابی ظاہر کردی ، فاسٹ بولر نے خطے میں پائی جانے والی کشیدگی کے باعث یہ فیصلہ کیا ہے اور انہوں نے فرنچائز کو بھی اپنے فیصلے سے آگاہ کر دیا ہے۔

واضح رہے کہ میچل اسٹارک دھرم شالا میں بلیک آوٹ سے روکے جانے والے میچ کا حصہ تھے اور میچل اسٹارک کی اہلیہ ایلیسا ہیلی بھی ان کے ہمراہ موجود تھیں اور انہوں نے ایک انٹرویو میں دھرم شالا کے حالات کھل کر بتائے تھے۔

کیا آئی پی ایل نہ کھیلنے والے غیر ملکیوں کو جرمانہ ہوگا؟

دوسری جانب آسٹریلوی میڈیا کا کہنا ہے کہ فاسٹ بولر جوش ہیزل ووڈ کندھے کی تکلیف کے باوجود انڈیا واپس جا رہے ہیں، جوش ہیزل ووڈ رائل چیلنجر بنگلور کو پلے آف سے قبل جوائن کریں گے۔

آسٹریلوی میڈیا کے مطابق آسٹریلوی کپتان پیٹ کمنز اور ٹریوس ہیڈ بھی انڈیا میں ٹیموں کو جوائن کریں گے اور کرکٹ آسٹریلیا آئی پی ایل کے لیے کھلاڑیوں کی دستیابی کے بارے جلد بیان بھی جاری کرے گا۔

آئی پی ایل: بھارتی دباؤ پر کرکٹ جنوبی افریقا نے یوٹرن لے لیا

خیال رہے کہ آئی پی ایل کو گذشتہ جمعہ کو ایک ہفتے کے لیے ملتوی کیا گیا تھا اور اب لیگ کے بقیہ میچز 17 مئی سے دوبارہ شروع ہو رہے ہیں۔