لاہور قلندرز کو 4 سال میں تیسرا ٹائٹل دلانے والے شاہین شاہ آفریدی کو ایچ بی ایل پی ایس ایل 10 کی ٹیم کا کپتان مقرر کیا گیا ہے۔

پی ایس ایل ٹین کے کمنٹیٹر پینل نے پرفارمنس کی بنیاد پر پاکستان سپر لیگ ایکس کی ٹیم آف دی ٹورنامنٹ کا انتخاب کیا ہے۔

ایچ بی ایل پی ایس ایل 10 کا انعقاد 11 اپریل سے 25 مئی تک چار شہروں کراچی، لاہور، ملتان اور راولپنڈی میں ہوا۔ لاہور کے قذافی اسٹیڈیم میں فائنل میں لاہور قلندرز نے کوئٹہ گلیڈی ایٹرز کو 6 وکٹوں سے شکست دی۔

کوئٹہ گلیڈی ایٹرز کو شکست دے کر لاہور قلندرز پی ایس ایل 10 کا چیمپئن بن گیا

دس گھنٹے کی فلائٹ، دس منٹ پہلے میدان میں ـــ تھکے ہوئے سکندر رضا نے قلندرز کو چیمپئن بنا دیا

25 سالہ شاہین آفریدی نے نہ صرف سب سے زیادہ 19 وکٹیں لے کر فضل محمود کیپ حاصل کی بلکہ ایک ایسی ٹیم کی قیادت کررہے ہیں جس میں قلندرز کے اپنے 2 ساتھی شامل ہیں۔

سکندر رضا اور فخر زمان نے ٹورنامنٹ میں شاندار کارکردگی کی بدولت پی ایس ایل ٹیم میں جگہ حاصل کی۔

پی ایس ایل کی ٹیم میں رنرز اپ کوئٹہ گلیڈی ایٹرز کے 3 کھلاڑی حسن نواز، ابرار احمد اور شہیم اشرف بھی شامل ہیں، اس کے علاوہ کراچی کنگز کے 3 کھلاڑیوں کو پی ایس ایل ٹیم میں شامل کیا گیا جس میں کپتان ڈیوڈ وارنر، اوپننگ پارٹنر جیمز ونس اور فاسٹ بولر حسن علی جبکہ خوشدل شاہ کو 12 ویں کھلاڑی کے طور پر ٹیم میں شامل کیا گیا ہے۔

اسلام آباد یونائیٹڈ کے صاحبزادہ فرحان اور پشاور زلمی کے نوجوان باصلاحیت فاسٹ باؤلر علی رضا بھی ٹیم کا حصہ ہیں۔

ایچ بی ایل پی ایس ایل ایکس الیون:

1. فخر زمان (لاہور قلندرز)

2. صاحبزادہ فرحان (اسلام آباد یونائیٹڈ) (وکٹ کیپر)

3. ڈیوڈ وارنر (کراچی کنگز)

4. جیمز ونس (کراچی کنگز)

5. حسن نواز (کوئٹہ گلیڈی ایٹرز)

6. سکندر رضا (لاہور قلندرز)

7. فہیم اشرف (کوئٹہ گلیڈی ایٹرز)

8. شاہین شاہ آفریدی (لاہور قلندرز) (کپتان)

9. حسن علی (کراچی کنگز)

10. علی رضا (پشاور زلمی) ایمرجنگ

11. ابرار احمد (کوئٹہ گلیڈی ایٹرز)

12. خوشدل شاہ (کراچی کنگز) (12 ویں کھلاڑی)