محکمہ داخلہ سندھ نے اس حوالے سے باقاعدہ نوٹیفکیشن جاری کر دیا ہے، جس کے مطابق یہ معافی صرف ان قیدیوں کو دی جائے گی جو عام جرائم میں سزا کاٹ رہے ہیں۔

ترجمان کے مطابق، قتل، دہشتگردی، ریپ، اغواء، مالی بدعنوانی، منشیات، فارن ایکٹ، جاسوسی اور سزائے موت کے قیدیوں پر اس معافی کا اطلاق نہیں ہوگا۔

وزیراعلیٰ سندھ کا کہنا ہے کہ یہ اقدام عید کے موقع پر قیدیوں اور ان کے خاندانوں کو ریلیف دینے کے لیے کیا گیا ہے، تاہم صرف ان قیدیوں کو فائدہ دیا جائے گا جو معمولی جرائم میں سزا کاٹ رہے ہیں اور قانون کے تحت معافی کے اہل ہیں۔

عیدالاضحیٰ سے قبل قیدیوں کے لیے خوشخبری، 90 دن کی سزا میں معافی کا اعلان

یہ فیصلہ جیلوں میں قید ان قیدیوں کے لیے ایک امید کی کرن ہے جو اپنی سزا مکمل کرنے کے قریب ہیں اور اچھے طرز عمل کا مظاہرہ کر چکے ہیں۔