عید الاضحیٰ کے تیسرے روز 22 سالہ فرزانہ اور 13 سالہ نادیہ اپنی فیملی کے ہمراہ پکنک منانے سبی کے علاقے ناڑی گاج گئی تھی جہاں وہ نہاتے ہوئے گہرے پانی میں چلی گئیں۔

ایک دوسرے کو بچاتے ہوئے دونوں نوجوان لڑکیاں پانی میں ڈوب کر جاں بحق ہوگئیں، وہاں پر موجود مقامی لوگوں اور لیویز کے جوانوں نے دونوں لڑکیوں کی لاشیں پانی سے نکال لی۔

لیویز فورس نے ضروری کارروائی کے بعد لاشیں ورثا کے حوالے کردیں، دونوں لاشیں ایدھی ایمبولینس کے ذریعے گھر منتقل کردی گئیں، دونوں لڑکیاں کزن بتائی جاتی ہیں۔

یاد رہے کہ 2 روز میں 4 نوجوان دریا کی نذر ہوچکے ہیں۔