وفاقی وزیر خزانہ محمد اورنگزیب نے 17 ہزار 573 ارب روپے کا بجٹ 26-2025 پیش کر دیا۔

وفاقی بجٹ میں خیبر پختونخوا اور بلوچستان کے ضم شدہ اضلاع کو حاصل ٹیکس چھوٹ کا خاتمہ کر دیا گیا۔ انھوں نے کہا کہ پانچ سال کے دوران مرحلہ وار ٹیکس لگایا جائے گا۔

وزیر خزانہ محمد اورنگزیب نے اعلان کیا کہ آزاد کشمیر، گلگت اورکے پی کے نئے ضم شدہ اضلاع کی ترقی کی مد میں ایک سو چونسٹھ ارب روپے مختص کر دیے گئے ہیں۔

بے نظیر انکم سپورٹ پروگرام کو آزاد جموں وکشمیر، گلگت بلتستان اور خیبرپختونخوا کے نئے ضم شدہ اضلاع تک پھیلایا جائے گا۔

انھوں نے مزید کہا کہ کفالت پروگرام کو ایک کروڑ خاندانوں تک پھیلانے کا پروگرام ہے، اس حوالے سے گرانٹس کی مد میں ایک ہزار نو سو اٹھائیس روپے مختص کیے گئے ہیں۔