سول اسپتال سکھر میں بجلی کی گھنٹوں بندش معمول بن گئی ہے، جس سے نومولود بچوں کی زندگی کو شدید خطرہ لاحق ہوگیا ہے۔ والدین کا کہنا ہے بچوں کے وارڈ میں پانچ پانچ گھنٹے بجلی نہیں ہوتی۔ سینتالیس ڈگری کی شدید گرمی میں بجلی کی بندش نومولود بچوں کے لیے مستقل خطرہ بنی ہوئی ہے۔ اس حوالے سے سوال کرنے پر انچارج ڈاکٹر ممتا بھارو برہم ہوگئے۔ آج نیوز کے رپورٹر اور کیمرہ مین پر حملہ کردیا۔ عبوری انچارج ڈاکٹر شاہد اقبال کا کہنا تھا اسٹینڈ بائی جنریٹر چلانے کی اجازت ایم ایس اختیار میرانی دیتے ہیں، جو کراچی گئے ہوئے ہیں۔