تفصیلات کے مطابق وزیر دفاع خواجہ آصف سانحہ سوات کے متاثرین کے گھر تعزیت کے لیے پہنچ گئے اور متاثرین کے اہل خانہ سے افسوس کا اظہار کیا۔

لواحقین سے تعزیت کے بعد میڈیا سے گفتگو کرتے ہوئے خواجہ آصف نے کہا کہ سانحہ سوات پر الفاظ نہیں ملتے جو بیان کیے جا سکیں، بیٹی کے سامنے بچے پانی کی نذر ہوگئے، ایک بچے کی تلاش جاری ہے، حادثات اللہ تعالی کی جانب سے آتے ہیں مگر اس کے سدباب کے لیے اقدامات نہیں کیے گئے، ریسکیو والے خالی ہاتھ آئے تھے یہ ریسکیو کا بریک ڈاؤن ہے۔

وزیر دفاع نے کہا کہ متاثرہ خاندان پر قیامت ٹوٹ پڑی ہے لیکن سانحہ سوات پر پتہ نہیں اس صوبائی حکومت پر کوئی قیامت ٹوٹی ہے یا نہیں، متاثرین کا کہنا ہے کہ ہم کسی کے خلاف کارروائی نہیں کرنا چاہتے۔

انہوں نے مزید کہا کہ کہا کہ میں سیاسی گفتگو نہیں کرنا چاہتا مگر عوام خود فیصلہ کریں، اپنے مفادات سے زیادہ عوام کے مفادات کی حفاظت کریں۔