سی ٹی ڈی کے مطابق پشاور کے نواحی علاقے شمشتو ارمڑ میں دہشت گردی کی بڑی کوشش ناکام بنادی گئی، جہاں سی ٹی ڈی نے کارروائی کرتے ہوئے خود کش حملہ آور 2 دہشت گردوں کو ہلاک کردیا۔

ترجمان سی ٹی ڈی کا کہنا ہے کہ دہشت گردوں سے بڑی مقدار میں اسلحہ،گولہ بارود برآمد ہوا ہے، دہشت گرد حساس تنصیب پر بڑے کی منصوبہ بندی کررہے تھے، گزشتہ سال سے منیر احمد نامی خود کش حملہ آور کی تلاش میں تھے، ہلاک دہشت گرد خوست افغانستان سے پاکستان میں داخل ہوئے تھے، آپریشنل ٹیم نے دونوں خوارج کو ہلاک کیا۔

ترجمان کے مطابق ہلاک دہشت گرد منیر احمد ننگرہار افغانستان کا رہائشی اشتہاری ملزم تھا، ہلاک خودکش حملہ آور منیر کے ہینڈلر کی شناخت کی جارہی ہے۔

ترجمان سی ٹی ڈی نے بتایا کہ آپریشن کے دوران ہلاک دہشت گردوں سے خودکش جیکٹ، ایک عدد ایس ایم جی، راؤنڈز اور پستول برآمد ہوئی جبکہ واقعے کا مقدمہ درج کرکے خصوصی تحقیقاتی ٹیم تشکیل دے دی گئی ہے۔

خیال رہے کہ آج بلوچستان کے ضلع دکی میں بھی سیکیورٹی فورسز کے آپریشن میں فتنہ الہندوستان کے 2 دہشت گرد ہلاک اور 2 کو اسلحے سمیت گرفتار کرلیا گیا تھا۔