جبکہ دوسری جانب پاکستان تحریک انصاف پارلیمنٹرین (پی ٹی آئی پی) کی جانب سے دائر کی گئی اسی نوعیت کی درخواست واپس لے لی گئی، کیونکہ اسلام آباد ہائیکورٹ میں یہی معاملہ زیر سماعت ہے۔

کیس کی سماعت پشاور ہائی کورٹ کے جسٹس ارشد علی اور جسٹس ڈاکٹر خورشید اقبال نے کی۔عدالت نے ریمارکس دیے کہ مخصوص نشستوں سے متعلق اے این پی کی درخواست پر الیکشن کمیشن سماعت کرے۔

پی ٹی آئی پارلیمنٹرین کے وکیل نے مؤقف اختیار کیا کہ وہ اپنی درخواست اسلام آباد ہائیکورٹ میں زیر سماعت کیس کی موجودگی کے باعث واپس لینا چاہتے ہیں۔عدالت نے پی ٹی آئی پی کی درخواست واپس لینے کی بنیاد پر کیس نمٹا دیا۔

مخصوص نشستوں کی تقسیم کے حوالے سے خیبرپختونخوا اسمبلی میں اپوزیشن جماعتوں کو تحفظات ہیں۔اے این پی اور پی ٹی آئی پی دونوں نے دعویٰ کیا تھا کہ انہیں مخصوص نشستوں میں اُن کے حق سے کم نمائندگی دی گئی۔