وزیراعلیٰ سندھ مراد علی شاہ نےکراچی میں عاشورہ کے مرکزی جلوس کے پرامن اختتام پر اظہار اطمینان کرتے ہوئے سیکیورٹی کے فول پروف انتظامات پر وزیرداخلہ، پولیس اور رینجرز کو خراج تحسین پیش کیا ہے اور سہولیات کی فراہمی پر وزیر بلدیات ، میئر کراچی اور متعلقہ عملے کو شاباش پیش دی ہے۔

وزیراعلیٰ سندھ نے کہا کہ سندھ بھر میں عاشورہ کے جلوسوں کا پرامن اختتام حکومت کی کامیابی ہے، سیکیورٹی خدشات زیادہ ہونے کے باوجود سندھ پولیس نے بہترین کام کیا۔

انہوں نے کہا کہ حکومت سندھ نے عزاداروں کو تمام سہولیات فراہم کرنے کی بھرپور کوشش کی، مذہبی ہم آہنگی کےلیے علمائے کرام کا کردار بھی لائق تحسین رہا۔