جسے اللہ رکھے اسے کون چکھے، وادی کاغان کے علاقہ بھونجہ میں دریائے کنہار میں ڈوبنے والے نوجوان کو 18گھنٹے بعد زندہ نکال لیا گیا ہے۔

گزشتہ روز گجرانوالہ سے تعلق رکھنے والے سیاحوں کی گاڑی دریا کنہار میں جاگری جس میں سوار 3 افراد کو اسی وقت ریسکییو کرلیا گیا تھا تاہم ایک نوجوان لاپتہ ہوگیا تھا جسے آج زندہ نکال لیا گیا۔

ریسکیو آپریشن میں کاغان ڈویلپمنٹ اتھارٹی، مقامی رضاکاروں اور ریسکییو نے حصہ لیا۔