تفصیلات کے مطابق بی این پی کے سربراہ سردار اختر مینگل کو بیرون ملک جانے سے روک دیا گیا، اختر مینگل کو کوئٹہ ائیرپورٹ پر دبئی جانے والی نجی ائیر لائن کی پرواز سے آف لوڈ کیا گیا۔

ایف آئی اے حکام کا کہنا ہے کہ سربراہ بی این پی سردار اختر مینگل کا نام پی این آئی ایل لسٹ میں ہونے کی وجہ سے انہیں روکا گیا۔

اس حوالے سے سردار اختر مینگل کا کہنا ہے دبئی کے لیے جا رہا تھا، مجھے آف لوڈ کر دیا گیا۔

سماجی رابطے کی ویب سائٹ ایکس پر جاری بیان میں ان کا کہنا تھا کہ امیگریشن اسٹاف نے آگاہ کیا میرا نام پرویژنل نیشنل آئیڈنٹیفکیشن لسٹ میں ہے۔