سینئر سیاستدان اور مسلم لیگ (ن) کے رہنما خواجہ آصف نے غیرت کے نام پر قتل کو شدید الفاظ میں تنقید کا نشانہ بناتے ہوئے اسے ”سب سے بڑی بے غیرتی“ قرار دیا ہے۔

اپنے بیان میں خواجہ آصف نے کہا کہ جو معاشرہ غیرت کے نام پر قتل جیسے سنگین جرم پر خاموشی اختیار کرتا ہے، وہ بھی غیرت سے عاری ہوتا ہے۔

انہوں نے زور دیا کہ ایسے واقعات کو کسی صورت برداشت نہیں کیا جانا چاہیئے اور ریاستی اداروں کو چاہیئے کہ وہ اس ظلم کے خلاف فوری اور مؤثر کارروائی کریں۔

خواجہ آصف کا کہنا تھا کہ غیرت کے نام پر قتل نہ صرف ایک فرد کا ناحق قتل ہے بلکہ یہ پورے معاشرے کی اخلاقی پستی کی علامت ہے۔

ان کا مزید کہنا تھا کہ قانون کی بالادستی اور انصاف کی فوری فراہمی ہی اس لعنت کو روکنے کا واحد راستہ ہے۔