اپنے انسٹاگرام پیغام میں انہوں نے کہا:”میری زندگی بظاہر بالکل نارمل چل رہی تھی، مجھے لگتا تھا کہ سب کچھ ٹھیک رہے گا۔ میں کبھی کبھار عبادت میں بھی غفلت کرتی تھی۔ لیکن اچانک مجھے ایسی بیماری کا سامنا کرنا پڑا جس نے میری زندگی بدل دی۔“

کڑوا سچ: نعمان اعجاز نے نام نہاد حب الوطنی بے نقاب کردی

انہوں نے مزید بتایا:گزشتہ چند ماہ سے میں اس کشمکش میں مبتلا تھی کہ آیا میں اپنے اس سفر کو اپنی انسٹاگرام فیملی کے ساتھ شیئر کروں یا نہیں۔ اس کی ایک سادہ سی وجہ ہے۔ ہر وہ شخص جو آپ کو فالو کرتا ہے، ضروری نہیں کہ وہ آپ کی خوشیوں میں خوش ہو، آپ کے غم میں غمگین ہو یا آپ کی تکلیف پر افسردہ ہو۔ مخلصی آج کے دور میں ایک نایاب چیز بن چکی ہے۔

پھر بھی میں نے یہ فیصلہ کیا کہ اس بارے میں بات کروں، کیونکہ مجھے لگتا ہے کہ لوگوں کو اس بیماری سے آگاہ کرنا بہت ضروری ہے تاکہ وہ اپنی صحت کو سنجیدگی سے لیں۔ مجھے کوریوکارسینوما نامی کینسر کی تشخیص ہوئی ہے۔

انہوں نے بتایا کہ اللہ کا شکر ہے کہ اس بیماری کی ابتدائی مرحلے میں ہی تشخیص ہوگئی ، جو میرے لیے ایک بہت بڑی نعمت ہے۔ میں اپنے رب کی بے حد شکر گزار ہوں کیونکہ اکثر کیسز میں یہ بہت دیر سے دریافت ہوتا ہے۔

کوریوکارسینوما ایک نایاب، تیزی سے پھیلنے والا کینسر ہے جو حمل کے دوران یا حمل کے بعد رحم میں پیدا ہو سکتا ہے، خاص طور پر مولر حمل کے بعد۔

مایا خان کی وائرل ویڈیو پر صارفین سیخ پا، سوالات کی بوچھاڑ

ان کا کہنا تھا کہ پچھلے چار ماہ میرے لیے ایک کٹھن آزمائش ثابت ہوئے۔ اور میں نے یہ بات کسی سے شیئر نہیں کی کیونکہ مجھے ڈر تھا کہ لوگ مجھے جج کریں گے یا برا کہیں گے۔ ان دنوں میں مجھے صرف دو خوف تھے: ایک یہ کہ میں اللہ کا سامنا کیسے کروں گی، اور دوسرا یہ کہ میرے خاندان کا کیا ہوگا۔

اریج نے اپنی پوسٹ میں شکر ادا کرتے ہوئے کہا کہ ”یہ میرے لیے دوسری زندگی ہے۔ الحمدللہ میرے خاندان کے لیے، اور ان تمام حالات کے لیے بھی، کیونکہ یہ بیماری میرے نصیب میں لکھی تھی، مگر اللہ تعالیٰ نے مجھے اس سے نکالا اور اپنے قریب کر دیا جس کے لیے میں جتنا بھی شکر ادا کروں، کم ہے۔ اللہ تعالیٰ نے مجھے موقع دیا کہ میں اپنی غلطیوں پر غور کروں اور اپنے رب کے قریب ہو جاؤں۔“

انہوں نے مداحوں کو صحت سے متعلق آگاہی دیتے ہوئے کہا: ”براہِ کرم اپنی صحت کو سنجیدگی سے لیں۔ اگرچہ میرے پاس کوئی خاص علامات نہیں تھیں، لیکن وقت پر تشخیص ہونے سے میں بچ گئی۔ اپنے میڈیکل چیک اپس کو نظر انداز مت کریں۔“

آخر میں اریج فاطمہ نے اپنے چاہنے والوں سے دعا کی درخواست کی اور کہا کہ اس آزمائش نے انہیں زندگی کا اصل مقصد سمجھا دیا ہے۔

انہوں نے بیماری سے لڑنے کے دوران کی کچھ تصویری جھلکیاں بھی سوشل میڈیا پر شیئر کیں، جو ان کی ہمت، صبر اور اللہ پر بھروسے کی بھرپورعکاس ہیں۔

اریج فاطمہ نے 2019 میں اپنے مقبول ڈرامہ سیریل ”حسد“ کی کامیابی کے بعد شوبز انڈسٹری کو خیرباد کہہ دیا تھا۔ ان کے دیگر مشہور ڈراموں میں ”ایک پل“، ”آپ کے لیے“، ”عشق پرست“ اور ”ہم نشین“ شامل ہیں۔

اریج فاطمہ نے 2017 میں ڈاکٹرعزیر علی سے شادی کی اوران کے دو بیٹۓ ہیں۔ اریج فاطمہ جعفری اس وقت امریکہ کی ریاست اوہائیو کے ایک گاؤں ہالینڈ میں مقیم ہیں، جہاں وہ اپنے شوہر اور بچوں کے ساتھ شادی کے بعد منتقل ہوگئی تھیں۔ وہ ایک متحرک ڈیجیٹل کریئیٹر اور سوشل میڈیا انفلوئنسر بھی ہیں اور انسٹاگرام پر ان کے 1.6 ملین فالوورز ہیں۔