سماجی رابطے کے پلیٹ فارم ایکس پر جاری اپنے بیان میں آصف علی کا کہنا تھا کہ پاکستان کی جرسی پہننا میری زندگی کا سب سے بڑا اعزاز ہے،آصف علی نے کہا کہ مداحوں، ساتھی کھلاڑیوں اور کوچز کے شکر گزار ہوں،انہوں نے بتایا کہ کلب اور لیگ کرکٹ کھیلتا رہوں گا۔

انہوں نے اہل خانہ اور دوستوں کا بھی شکریہ ادا کیا، جنہوں نے خاص طور پر ورلڈ کپ کے دوران اپنی پیاری بیٹی کے انتقال جیسے دکھ بھری صورتحال میں انہیں سنبھالا اور آگے بڑھنے کی ہمت دی۔

آصف علی نے کہاکہ وہ انشااللہ اپنے شوق کو جاری رکھتے ہوئے ڈومیسٹک اور لیگ کرکٹ کھیلتے رہیں گے۔

واضھ رہے کہ آصف علی نے پاکستان کی نمائندگی 21 ایک روزہ اور 58 ٹی20 میچز میں کی، جبکہ اپنا آخری انٹرنیشنل میچ 2023 میں کھیل چکے ہیں۔