پولیس کے مطابق فائرنگ کے بعد حملہ آور کو ہلاک کر دیا گیا ہے اور اس وقت علاقے میں عوام کے لیے کوئی خطرہ نہیں ہے۔

امریکی میڈیا کے مطابق 40 سالہ حملہ آور کاتعلق مشی گن کے شہر برٹن سے بتایا جا رہا ہے۔

فائرفائٹرز موقع پر پہنچ کر چرچ میں لگی آگ پر قابو پانے کی کوشش کر رہے ہیں جبکہ سوشل میڈیا پر گردش کرتی ویڈیوز میں چرچ سے اٹھتے دھوئیں اور پہنچے ہوئے ایمرجنسی اہلکاروں کو دیکھا جا سکتا ہے۔

گرینڈ بلینک ٹاؤن شپ پولیس نے شہریوں سے اپیل کی ہے کہ وہ جائے وقوعہ سے دور رہیں تاکہ امدادی کارروائیاں بغیر کسی رکاوٹ کے جاری رہ سکیں۔

واقعے کے زخمیوں کو قریبی اسپتالوں میں منتقل کر دیا گیا ہے جہاں ان کا علاج جاری ہے۔ جن میں سے کچھ زخمی افراد کی حالت تشویشناک بتائی جاتی ہے، حملے کی وجوہات معلوم کرنے کے لیے تحقیقات شروع کر دی گئی ہیں۔