ممتاز اداکار مصطفٰی قریشی نے بتایا کہ وہ فجر کی نماز کے بعد گھر کے باہر واک کر رہے تھے کہ اچانک ایک کھدی ہوئی سڑک میں ان کا پاؤں پھنس گیا اور وہ بری طرح گر گئے۔

مصطفٰی قریشی نے کہا کہ ”میرا سر سڑک سے ٹکرایا اور ٹانگ کی ہڈی ٹوٹ گئی، آنکھ بچ گئی۔“

انہوں نے شہری انتظامیہ سے اپیل کی کہ اللہ تعالیٰ ہمارے حکمرانوں کو عقل دے تاکہ شہر کی سڑکیں درست کی جائیں۔

اداکار نے یہ بھی بتایا کہ انہیں پیپلز پارٹی کے سینیئر رہنما رضا ربانی کی کتاب کی تقریب میں جانا تھا، لیکن حادثے کی وجہ سے وہ تقریب میں شرکت نہ کر سکے۔