آل پاکستان جیمز اینڈ جیولرز ایسوسی ایشن کے مطابق منگل کے روز ملک بھر میں فی تولہ سونا 5 ہزار 900 روپے مہنگا ہوگیا ہے، جس کے بعد فی تولہ سونے کی قیمت 4 لاکھ 35 ہزار 762 روپے ہوگئی ہے۔

اسی طرح 10 گرام سونے کی قیمت میں بھی 5 ہزار 65 روپے اضافہ ہوا ہے، جس کے بعد قیمت 10 گرام سونا 3 لاکھ 73 ہزار 595 روپے کا ہوگیا ہے۔

عالمی مارکیٹ میں بھی سونا مزید مہنگا ہوا ہے، جہاں فی اونس قیمت 59 ڈالر اضافے کے بعد 4 ہزار 134 ڈالر تک جا پہنچی ہے۔

ماہرین کے مطابق سونے کی قیمتوں میں اضافے کی وجہ عالمی سطح پر معاشی غیر یقینی صورتحال اور ڈالر کا اتار چڑھاؤ ہے۔