سحر حیات نے دعویٰ کیا کہ سمیع رشید نے اکثر انہیں طلاق کی دھمکیاں دی اور وہ ان کے خاندان کے سامنے بھی مسلسل بد زبانی اور جسمانی طور پر بدسلوکی کا شکار رہیں۔

سحر کے مطابق سمیع نے انہیں غلط ناموں سے پکارا اور وہ آٹھ ماہ کی حاملہ ہونے کے دوران بھی ان پر ہاتھ اٹھا چکے تھے۔

سحر نے یہ بھی بتایا کہ سمیع نے حق مہر میں دھوکہ دیا۔ شادی کے وقت سمیع نے کہا کہ حق مہر 2 کروڑ روپے ہوگا، لیکن نکاح کے موقع پر صرف 5 لاکھ لکھوا دیے اور مائک پر اعلان کیا کہ یہ 50 لاکھ ہے۔

سحر نے شادی اس لیے قبول کی تاکہ رشتہ مضبوط ہو، لیکن ان کا کہنا تھا کہ شادی ان کے لیے زہریلی ثابت ہوئی۔

سحر کی حمایت میں ان کے ساتھی بھی سامنے آئے۔ رومیسا خان نے کہا، ”آپ کو مزید طاقت ملے۔“

انفلوئنسرعلی عارف نے کہا، ”اللہ آپ کی بیٹی کے لیے اچھا کرے۔“

سمیع رشید نے سحر حیات کے دعووں کا جواب دیتے ہوئے بتایا کہ ان کی طلاق دراصل ایک چھوٹی بحث کے باعث ہوئی، جو ان کی بیٹی کی سالگرہ کی تقریب میں سامنے آئی۔

سمیع کے مطابق ان کے والدین بیٹی کے ساتھ تصویر لینا چاہتے تھے، جس سے سحر خوش نہیں تھیں اور انہوں نے والدین کو اسٹيج سے جانے کے لیے کہا۔ یہ بحث بڑھ گئی اور آخرکار دونوں الگ ہو گئے۔ سمیع کے مطابق سحر نے اسی وجہ سے خلع کے لیے درخواست دی۔

انٹرنیٹ صارفین نے دونوں پر تنقید کی۔ ایک صارف نے لکھا، ”آپ دونوں طلاق یافتہ ہیں، ایک دوسرے کو چھوڑ دو۔“

کسی نے کہا، ”طلاق کے لیے یہ وجہ بہت چھوٹی ہے۔“

ایک اور نے مشورہ دیا، ”آپ کو صلح کرنے کی کوشش کرنی چاہیے تھی، نہ کہ طلاق کی۔“