پاکستان تحریک انصاف (پی ٹی آئی) کی رہنما صنم جاوید کی طبیعت خراب ہونے پر انہیں کوٹ لکھپت جیل سے جناح اسپتال منتقل کر دیا گیا ہے۔

اطلاعات کے مطابق صنم جاوید کو آنکھ اور معدے کی تکلیف کے باعث اسپتال لایا گیا، جہاں انہیں طبی معائنے اور علاج فراہم کیا جا رہا ہے۔

ان کے شوہر کے مطابق صنم جاوید کی بیماری کی مکمل تفصیلات ابھی تک ظاہر نہیں کی جا رہیں، جس پر تشویش پائی جا رہی ہے۔

واضح رہے کہ صنم جاوید کو 9 مئی کے مقدمات میں 5 سال قید کی سزا سنائی گئی تھی اور وہ اس وقت کوٹ لکھپت جیل میں قید تھیں۔

طبیعت خراب ہونے کے بعد انہیں فوری طور پر جیل سے اسپتال منتقل کیا گیا جہاں ان کا علاج جاری ہے۔