عراق کے شہر اربیل میں کھیلے گئے اس فٹبال میچ کے ایک کلپ میں مذکورہ خاتون کو اسٹیڈیم میں بیٹھے کیمرے کی طرف دیکھ کر معصومیت سے مسکراتے ہوئے دکھایا گیا ہے۔

ویڈیو میں دیکھا جاسکتا ہے کہ اس سحر انگیز مسکراہٹ اور سادگی پر میچ کے کمنٹیٹر بھی خاموش نہ رہ سکے اور انہوں نے خاتون کے شرمیلے انداز اور دلفریب مسکراہٹ کو دنیا کی بہترین خوبصورتی قرار دیا۔

ویڈیو کے وائرل ہوتے ہی دنیا بھر کے صارفین ان پر فریفتہ ہو گئے اور کمنٹیٹرز سے لے کر عوام تک ہر کوئی ان کے حسن کی تعریفوں کے پل باندھنے لگا۔

ویڈیو وائرل ہونے کے بعد سوشل میڈیا پلیٹ فارمزایکس، فیس بک، انسٹاگرام اور ٹک ٹاک سمیت مختلف پلیٹ فارمز پر تبصروں کا سیلاب آ گیا۔

اس خوبصورتی نے نسلی اور ثقافتی بحث کا رخ بھی موڑ دیا۔ کچھ صارفین نے مسلم خواتین کے حسن کا تذکرہ کرتے ہوئے تبصرہ کیا کہ مسلم خواتین ہمیشہ سے دنیا کی خوبصورت ترین خواتین میں شمار ہوتی رہی ہیں اور ان کی یہ سادگی ہی ان کا اصل حسن ہے۔

کچھ حلقوں میں اسے ایک عیسائی خاتون کی قبولِ اسلام کے بعد کے چہرے کا نور قرار دے کر بھی شیئر کیا جانے لگا۔

اس وائرل ویڈیو کو دیکھ کر سوشل میڈیا پر ایک بحث یہ بھی چھڑ گئی کہ کہیں یہ چہرہ اور ویڈیو آرٹیفیشل انٹیلی جنس کا کمال تو نہیں؟

ویڈیو کی غیر معمولی خوبصورتی اور پرفیکشن کی وجہ سے بہت سے صارفین کو یہ گمان ہونے لگا کہ یہ کوئی حقیقی خاتون نہیں بلکہ اے آئی کی مدد سے تیار کردہ ایک فرضی ڈیجیٹل خاکہ ہے۔

تاہم، جب ایک صارف نے ایکس (سابقہ ٹوئٹر) پر ایلون مسک کے آرٹیفیشل انٹیلی جنس ٹول ’گروک‘ کو ٹیگ کر کے پوچھا کہ یہ خاتون کون ہیں، کس ملک سے ہیں اور کیوں ٹرینڈ کر رہی ہیں، تو ’گروک‘ نے تفصیلی جواب دیتے ہوئے ان کے حقیقی ہونے کی تصدیق کی اور بتایا کہ یہ کوئی مشہور شخصیت یا انفلوئنسر نہیں ہیں، بلکہ عراق کی مقامی فٹ بال لیگ میں ’اربیل بمقابلہ النفط‘ کے میچ کے دوران اسٹیڈیم میں موجود ایک عام فین ہیں۔

اس تصدیق کے بعد یہ بات واضح ہو گئی کہ سوشل میڈیا پر اے آئی کا گمان کرنے والے صارفین کا شک درست نہیں تھا، بلکہ یہ خاتون حقیقت میں اسٹیڈیم میں موجود ایک عام عراقی فٹ بال فین ہیں۔