چولستان:رحیم یار خان میں حساس اداروں نے کارروائی کرکے کالعدم تنظیم کے اہم کمانڈر کو گرفتار کرلیا،گرفتار کمانڈر نے بھارتی ایجنسی را سے تربیت حاصل کر رکھی ہے ،جبکہ لاہور میں واہگہ بارڈر کے قریب رینجرز سے مقابلے میں دو اسمگلرز مارے گئے۔

تفصیلات کے مطابق حساس اداروں نے خفیہ اطلاع پر رحیم یار خان کے علاقے چولستان میں کارروائی کی،کالعدم تنظیم کے اہم کمانڈر کو گرفتار کرلیا گیا،زرائع کے مطابق کالعدم تنظیم کے کمانڈر نے بھارتی ایجنسی را سے تربیت حاصل کر رکھی ہے اور اسکے بلوچ لبریشن آرمی سے بھی تعلقات ہیں۔

دوسری جانب واہگہ بارڈر کے قریب رینجرز سے مقابلے میں دو اسمگلرز مارے گئے،ملزمان غیر قانونی طور پر پاکستان میں داخل ہورہے تھے جن کے قبضے سے اسلحہ اور اسمگل شدہ سامان برآمد کیا گیا ہے ۔

کوہاٹ سے دوبھتہ خورگرفتار کرلئے گئے صدام حسین اورکفیل احمد کا تعلق کالعدم تنظیم سے ہے،جودو ہزاردس میں پولیس چوکیوں پر حملوں، بھتہ خوری اور دہشت گردی کی وارداتوں میں ملوث تھے۔