پشاور:خیبرپختونخوا، گلگت بلتستان اور کشمیر میں بارش و لینڈسلائیڈنگ نے تباہی مچادی۔ پی ڈی ایم اے نے مختلف حادثات میں پچیاسی افراد کے جاں بحق ہونے کی تصدیق کردی۔

بارش اور لینڈسلائیڈنگ کے باعث سب سے زیادہ نقصان کوہستان اور شانگلہ میں پہنچا۔ کوہستان میں گزشتہ روز چھ مکانات پر تودہ گرنے سے تین افراد دب گئے۔ پاک فوج کے جوان اور ضلعی انتظامیہ ریسکیو آپریشن میں مصروف ہیں۔ کوہستان میں حادثات کے دوران جاں بحق افراد کی تعداد چودہ ہوگئی ہے۔

یپی ڈی ایم اے کے مطابق خیبرپختونخوا میں مختلف حادثات کے دوران شانگلہ میں پندرہ ، سوات میں تیرہ ،اپردیر میں چھ،لویر دیر،بنوں،چترال،مردان اور بٹگرام میں دو دو جبکہ مانسہرہ، مالاکنڈ اور چارسدہ میں ایک ایک شخص جاں بحق ہوئے۔

کوہستان میں گزشتہ روز مکان پر مٹی کا تودہ گرنے سے ملبے میں دبنے والے تیس افراد میں سے چار کی لاشیں نکال لی گئی ہیں۔گلگت بلتستان کے مختلف علاقوں میں دوسرے روز بھی تمام تعلیمی ادارے بند ہیں۔ بھاری مشینری کے ذریعے بند سڑکیں کھولنے کا کام جاری ہے۔ ضلع دیامیر میں مختلف حادثات میں چودہ افراد جاں بحق اور تین زخمی ہوئے ہوئے ہیں،،غذر میں بھی ایک شخص جاں بحق ہوا۔

آزاد کشمیر میں ہٹیاں بالا کے مقام پر دو بچیاں نالہ عبور کرتے ہوئے طغیانی کی نذر ہوگئیں،جس کے بعد کشمیر میں ہلاکتوں کی تعداد دس ہوگئی ہے۔