رسالپور :رسالپور اکیڈمی میں پاک فضائیہ کے کیڈیٹس کی شاندار پاسنگ آوٴٹ پریڈ ہوئی ، فضائی کرتب بھی دکھائے گئے ، ایئر چیف مارشل سہیل امان کہتے ہیں کہ پاک فضائیہ دہشتگردی کیخلاف جنگ میں اہم کردار ادا کررہی ہے۔

رسالپور اکیڈمی میں پاک فضائیہ کے ایک سو سولہ نان جی ڈی کیڈٹس کی پاسنگ آوٴٹ پریڈ ہوئی۔ سترکیڈٹس میں سترہ عراقی بھی شامل تھے۔عراقی فضائیہ کے سربراہ لیفٹیننٹ جنرل انورحامد امین تقریب کے مہمان خصوصی تھے انہوں نے پاسنگ آوٴٹ پریڈ کا معائنہ کیا ۔

تقریب میں پاکستان اور عراق کا قومی ترانہ بھی پڑھا گیا،پاک فضائیہ کے پاس آوٴٹ ہونے والے کیڈٹس نے حلف اٹھایا۔ایئر چیف مارشل سہیل امان کا کہنا تھا کہ عراقی کیڈٹس دونوں ملکوں کے تعلقات کے فروغ میں کردار ادا کرینگے، پاک فضائیہ دہشتگردی کیخلاف جنگ میں اہم کردار ادا کررہی ہے۔بعد میں پاک فضائیہ کے طیاروں نے شیر دل فارمیشن پیش کی اور فضاوٴں میں رنگ بکھیر دیئے۔