کراچی:وزیراعلیٰ سندھ قائم علی شاہ کہتے ہیں کہ کوئی کچھ بھی کہے اسمبلی ابھی دو سال اور چلے گی،آئین پر آنچ آئی تو آرٹیکل چھ کا تیر چلے گا۔

سندھ اسمبلی میں یوم دستورکے حوالے سے قرارداد پروزیراعلیٰ سندھ قائم علی شاہ کا کہنا تھا کہ تمام سیاسی جماعتیں انیس سو تہتر کے آئین پر متفق ہیں۔آئین اس وقت بنا جب ملک آدھا رہ گیا تھا،بھٹونے آئین دے کرباقی ماندہ ملک بچایا۔

وزیراعلیٰ نے آرٹیکل چھ کوپیپلزپارٹی کا تیرقراردیتے ہوئے کہا کہ آئین پر آنچ آئی تو آرٹیکل چھ کا تیر چلے گا۔انہوں نے کہاکہ آصف علی زرداری کی ذہانت کی وجہ سے پرویزمشرف کوجانا پڑا،آئین کی وجہ سے ہی ہرآمرکوگھرجانا پڑا۔

قائم علی شاہ نے کہا کہ ذوالفقار علی بھٹو کے دور سے لے کر آج تک آئین پر عمل ہوتا رہا ہے،بھٹونے کہا تھا ایک دن بھی مارشل لاءنہیں چلنے دوں گا۔